Skip to main content

About Eagle Air

About Eagle Air

Sections
Title
Saga félagsins
Body

Flugfélagið Ernir var stofnað árið 1970 af Herði Guðmundssyni. Félagið varð brátt mikilvægt í samgöngu- og öryggismálum Vestfirðinga sem lengi bjuggu við erfiðar vegasamgöngur. Skömmu eftir að Flugfélagið Ernir hóf starfsemi sína á Vestfjörðum var komið á fót póstflugi milli allra helstu bæja og þéttbýlisstaða í fjórðungnum. Auk póstáætlunarflugsins stundaði félagið sjúkraflug og stundaði það af krafti um langt árabil, einkum á Vestfjörðum, norðvesturlandi og á norðanverðu Snæfellsnesi.

Leiguflug innanlands var einnig snar þáttur í starfsemi félagsins frá upphafi, og milli landa á árunum frá 1981 til 1992. Á því árabili rak félagið meðal annars flugvél af gerðinni Cessna 404 Titan sem keypt var ný frá Bandaríkjunum 1980. Einkum var flogið til nágrannalandanna, Grænlands, Færeyja og Norðurlandanna með áhafnir skipa, varahluti í skip, verksmiðjur og frystihús.

Árið 1988 hóf félagið útgerð 19 farþega Twin Otter vélar, stærri flugvélar en það hafði áður verið með í rekstri. Jafnframt því að kaupa og reka Twin Otter vélina var byggt yfir hana stórt og vandað flugskýli. Var flugfélagið Ernir fyrsta félagið hér á landi sem byggði yfir starfsemi sína sjálft frá grunni. Um sama leyti og flugskýlið var reist var fjárfest í flugafgreiðslu á Reykjavíkurflugvelli. Hafið var áætlunarflug sem stundað var af krafti á annað ár.

Í framhaldinu var hafið samstarf við flugfélag í Sviss, sem stundar flugflutninga og þjónustu við alþjóðlegar stofnanir og olíufyrirtæki. Ernir tók að sér flug í þróunarverkefni á vegum Sameinuðu þjóðanna í Kenya seint á árinu 1989. Flugmenn félagsins fóru með Twin Otterinn þangað og störfuðu þar nokkrir tímabundið og með hléum fram á árið 1990. Annað verkefni og samningur tók við þegar þeim fyrri lauk, nú á vegum Alþjóða Rauða Krossins einnig í Kenya. Var það hjálparflug til Suður Súdan vegna borgarastríðsins þar. Unnið var að þessu í um eitt ár með flugvél og mannskap. Næsta verkefni bauðst í Mosambique í formi birgða- og matvælaflutninga á vegum Rauða Krossins í um þrjú ár. Þegar kom fram á 1994 lauk verkefnum í Mosambique og kom flugvélin þá heim eftir gagngert viðhald og endurbætur í Sviss. Um haustið var enn óskað eftir vél okkar og mannskap til hjálparflugs á vegum Rauða Krossins, nú til Angóla þar sem við störfuðum í um eitt ár.

Í kjölfar breytinga í starfsumhverfi innanlandsflugfélaga ákváðu stjórnendur félagsins að hætta rekstri árið 1995. Voru vélar félagsins seldar, en ýmsum öðrum eignum haldið s.s. afgreiðslu á Reykjavíkurflugvelli. Starfsemi félagsins hófst á ný með nýjum áherslum síðsumars 2003.

Nokkur ártöl í rekstri Ernis

1970 Flugfélagið Ernir stofnað á Ísafirði.

1988 Áætlunarflug hefst á milli Reykjavíkur og Ísafjarðar.

1989 Flug fyrir Rauða Krossinn í Kenía og suður Súdan.

1991 Flugfélagið flýgur með birgðir og hjálpargögn í Mósambik.

1994 Birgðaflug í Angóla á vegum Rauða Krossins.

1997 Bók um flugfélagið, Þá flugu ernir gefin út.

2003 Skrifstofur félagsins færðar frá Ísafirði til Reykjavíkur.

2007 Ernir hefur áætlunarflug til Bíldudals, Gjögurs, Sauðárkróks og Hafnar í Hornafirði.

2010 Flugfélagið Ernir fagnar 40 árum á flugi.

2012 Áætlunarflug hefst á milli Reykjavíkur og Húsavíkur.

Title
Airport information
Body

Flugvöllurinn í Reykjavík og skrifstofa
Reykjavíkurflugvöllur
101 Reykjavík
sími: 562 2640
ernir@ernir.is

Opnunartími:
Virka daga: 6:15 - 21
Helgar: 9 - 19

Vestmannaeyjar
Vestmannaeyjaflugvöllur
900 Vestmannaeyjar
sími: 481 3300

Opnunartími:
Virka daga: 7 - 12 / 13 - 18
Helgar: 10 - 13 / 14 - 18:30

Höfn in Hornafjörður
Hornarfjarðarflugvöllur
780 Höfn in Hornafjörður
sími: 478 1250

Opnunartími:
Mán / Mið / Fim / Fös: 8:45 - 12 og 16 - 19
Þri og Lau: Lokað
Sunnudaga: 13 - 16

Húsavík
Húsavíkurflugvöllur
641 Húsavík
sími: 464 1300

Opnunartími:
Virka daga: 7:30 - 11 / 15 - 18
Laugardaga: Lokað
Sunnudaga: 13 - 17:30

Bíldudalur
Bíldudalur airport
465 Bíldudalur

Opnunartími:
Virka daga: 8 - 15
Laugardaga: Lokað
Sunnudaga: 10 - 16

Gjögur
Gjögur flugvöllur
524 Árneshreppur
sími: 451 4033

Opnunartími:
Þriðjudagur: 11 - 15
Lokað aðra daga

Title
Flotinn okkar
Body

Jetstream 31/32

Við gerum út þrjár Jetstream 32 vélar og eina Jetstream 31 vél sem eru hraðfleygar skrúfuþotur. Þessar flugvélar henta einkar vel í leiguflug fyrir allt að 19 farþega, bæði innanlands og til Grænlands, Færeyja og Skandinavíu.

Jetstream 32

Dornier 328

Flugfélagið Ernir tekur eina Dornier 328 í notkun í nóvember 2018 en hún er hraðfleyg og sparneytin skrúfuþota. Þessi vél tekur allt að 32 farþega og getur lent á stuttum flugbrautum hvort sem er innanlands eða á erlendri grund.

Dornier 328

Cessna 207

Cessna 207 er sjö sæta, eins hreyfils flugvél. Hún hentar vel fyrir útsýnisflug, ljósmyndaflug, skoðunarflug vegna vísindarannsókna og þess háttar verkefni. Vélin er haganlega innréttuð og er hægt er að leigja hana í lengri og styttri ferðir innanlands.

Cessna 207